Said Ahmad Buxoriy rahbarligidagi Hindiston diniy delegatsiyasi Toshkentga kelmoqda

2018 yil 13 mart kuni Toshkent shahriga Dehli shahri Jome masjidining bosh imomi, Hindistondagi Naqshbandiya tariqatining namoyandalaridan biri Said Ahmad Buxoriy rahbarligidagi diniy delegatsiya tashrif buyuradi. Bu haqda TIV axborot xizmati xabar bermoqda.

Qayd etilishicha, O‘zbekistonga tashrif chog‘ida islom qadamjolarini ziyorat qilish, mamlakatning tarixiy va me'moriy obidalari bilan tanishish, Din ishlari bo‘yicha qo‘mita, O‘zbekiston musulmonlari idorasi, Islom sivilizatsiyasi markazi, Islom akademiyasi, Toshkent islom universiteti rahbariyati bilan uchrashuvlar o‘tkazish kutilmoqda.