15 mingdan ortiq. Ukraina Donbassdagi tinchlikparvarlar bo‘yicha bayonot berdi
Donbassga BMTning 15 mingdan ortiq tinchlikparvarini kiritish lozim. Bu haqda Ukraina tashqi ishlar vaziri Pavel Klimkin ma'lum qildi.
«Mening fikrimcha, dastlabki hisob-kitoblarga ko‘ra, bu 15 mingdan ortiq tinchlikparvar bo‘lishi kerak. Aniq sonni esa biz BMT va missiya tarkibiga kiradigan hamkorlar bilan muvofiqlashtirib olamiz. Biroq bu ikki yoki to‘rt ming bo‘lishi mumkin emas», - deya aytib o‘tdi u BBC’ning Ukraina byurosiga bergan intervyusida.
Klimkinning fikricha, missiya harbiy, politsiya va fuqarolik komponentlaridan iborat bo‘lishi darkor.
«Missiya tarkibiga keladigan bo‘lsak – buni BMT hal qilishi kerak. Biroq, albatta, bu Rossiya bo‘lishi kerak emas. Biz munosib bo‘lgan tinchlikparvarlarni topamiz. Biz hamma bilan gaplashdik, hamda bu faqatgina Yevropada emas», - deya xabar berdi Ukraina TIV rahbari.
Xususan, u missiya tarkibidan yaponlar joy olishi mumkin ekanini ham istisno etmadi. Bundan tashqari, Klimkinning fikricha, unga MDH davlatlaridan vakillar ham kiritilishi mumkin, ammo ular «juda cheklangan rolga» ega bo‘lishi lozim.
Mavzuga oid
20:14 / 14.10.2024
Rossiyada Tojikiston va O‘zbekistondan kelgan migrantlar Ukrainaga qarshi urushga borishga majburlanayotgani aytildi
13:50 / 14.10.2024
Ukraina tunda Rossiyaning 68 ta dronidan 31 tasini urib tushirdi
21:00 / 12.10.2024
Ukrainadagi urushda qatnashgan o‘zbekistonlik ustidan Rossiyada sud boshlandi
19:32 / 12.10.2024