Angliya terma jamoasi JCh-2018 vaqtida zaharlanishdan xavfsiramoqda

Angliya futbol assotsiatsiyasi Britaniyaning razvedkasi josusi sanalgan sobiq podpolkovnik Sergey Skripalning zaharlanishi ortidan Angliya terma jamoasi futbolchilari ham JCh-2018 vaqtida zarar ko‘rishidan xavotirga tushmoqda. Bu haqda The Sun nashri xabar tarqatdi.

Manba bergan xabarga ko‘ra, shu maqsadda Angliya terma jamoasi delegatsiyasi Rossiyada o‘tadigan Jahon chempionatiga o‘zining oziq-ovqatlari bilan tashrif buyurishni ko‘zlayapti. Jamoa o‘zi bilan birga keks, pechene, choy, achchiq, pomidorli sous, shokolad kabi bir qator mahsulotlarni olib kelmoqchi.

Yuqorida qayd qilingan barcha mahsulotlarni muntazam ravishda tekshirib turuvchi maxsus oshpazlar yollanadi.

Bu choralarning barchasi terma jamoa Rossiyadagi musobaqa paytida zaharlanishi mumkinligidan xavotir olingani uchun amalga oshirilmoqda.