Odessada sariq va pushti rangli qor yog‘di

Ukrainaning Odessa oblastidagi Izmail shahrida sariq va pushti rangdagi qor yog‘di. Bu haqda mahalliy The Izmail Times nashri xabar bermoqda.

Ta'kidlanishicha, Izmaildagi «sariq rangli qor – noodatiy hodisa».

Shahar meri Andrey Abramchenkoning ma'lum qilishicha, qor namunalari laboratoriya tadqiqotlari uchun taqdim etilgan.

«Laboratoriya tadqiqotlarining ko‘rsatishicha, taqdim etilgan qor namunalardagi kislota miqdori neytral, tuproqda esa – tuproqli-jigarrang aralashma, zararli kimyoviy moddalar aniqlanmadi», - deya aytib o‘tdi u.