Одессада сариқ ва пушти рангли қор ёғди

Украинанинг Одесса областидаги Измаил шаҳрида сариқ ва пушти рангдаги қор ёғди. Бу ҳақда маҳаллий The Izmail Times нашри хабар бермоқда.

Таъкидланишича, Измаилдаги «сариқ рангли қор – ноодатий ҳодиса».

Шаҳар мэри Андрей Абрамченконинг маълум қилишича, қор намуналари лаборатория тадқиқотлари учун тақдим этилган.

«Лаборатория тадқиқотларининг кўрсатишича, тақдим этилган қор намуналардаги кислота миқдори нейтрал, тупроқда эса – тупроқли-жигарранг аралашма, зарарли кимёвий моддалар аниқланмади», - дея айтиб ўтди у.