Kim Chen In XXR yetakchisiga taklif bilan chiqqan

XXR va KXDR yetakchisi Pekindagi uchrashuvdan so‘ng bir birini o‘z davlatiga tashrif buyurishga taklif qilgan. Bu haqda RIA «Novosti» Shimoliy Koreya Markaziy telegraf agentligi va Xitoy Tashqi ishlar vazirligiga asosan xabar bermoqda.

«Koreya mehnat partiyasi kotibi Kim Chen Inni rafiqasi Li Sol Chju bilan yana Xitoyga tashrif bilan kelishga taklif qilamiz», - deya Si Tszinpinning Dyaoyuytay davlat qarorgohida shimoliy koreyalik mehmonlar sharafiga uyushtirilgan qabul vaqtidagi so‘zlarini keltiradi Xitoy TIV.

Kim Chen In, o‘z navbatida, XXR rahbarini Shimoliy Koreyaga taklif qildi. Koreya Markaziy telegraf agentligi xabariga ko‘ra, taklif qabul qilingan.

Eslatib o‘tamiz, avvalroq Kim Chen In yadroviy qurolsizlanish shartini aytgandi.