O‘zbekiston TIV rahbari Xitoy tashqi ishlar vaziri o‘rinbosarini qabul qildi
2018 yilning 28 mart kuni O‘zbekiston tashqi ishlar vaziri Abdulaziz Komilov Toshkent shahrida bo‘lib o‘tgan Afg‘oniston bo‘yicha «Tinchlik jarayoni, xavfsizlik sohasida hamkorlik va mintaqaviy sheriklik» mavzusidagi xalqaro konferensiyada Xitoy delegatsiyasiga rahbarlik qilgan Xitoy Xalq Respublikasi tashqi ishlar vaziri o‘rinbosari Li Baodunni qabul qildi. Bu haqda TIV axborot xizmati xabar beryapti.
Xitoy tashqi ishlar vaziri o‘rinbosari O‘zbekiston hukumatini ko‘p yillik Afg‘oniston muammosiga bag‘ishlangan Toshkent forumining muvaffaqiyatli natijalari bilan tabrikladi.
Uchrashuvda ta'kidlanganidek, Afg‘onistondagi tinchlik ulkan mintaqaning barcha mamlakatlariga sezilarli foyda keltirishi, barcha yo‘nalishlarda mintaqaviy va transmintaqaviy savdoni rivojlantirishi yuzasidan O‘zbekiston va Xitoyning fikrlari birdek ekanligi qayd etildi.
Uchrashuvda hozirgi paytda Xitoy raislik qilayotgan Shanhay hamkorlik tashkiloti Davlat rahbarlari kengashining navbatdagi yig‘ilishi doirasida oliy darajadagi uchrashuvga tayyorgarlik ko‘rish nuqtayi nazaridan ikki tomonlama hamkorlikning holati va rivojlanish istiqbollari yuzasidan fikr almashildi.
Suhbatda xalqaro va mintaqaviy kun tartibidagi dolzarb masalalarga ham to‘xtalib o‘tildi.
Muzokaralarda Xitoy elchisi Jiang Yan ishtirok etgan.
Mavzuga oid
19:07 / 13.09.2024
Abdulaziz Komilov AQShning Afg‘oniston bo‘yicha vakili bilan uchrashdi
11:10 / 14.08.2024
Abdulaziz Komilov: «Qo‘shnilar bilan hech qanday muammo bo‘lmasligiga erishish – tashqi siyosatimizning ustuvor yo‘nalishi»
15:50 / 20.01.2024
Abdulaziz Komilov Bryusselda YeK rahbarining bosh maslahatchisi bilan uchrashdi
12:52 / 20.01.2024