Yaponiya: KXDR yadro sinoviga tayyorlanmoqda

Foto: Reuters

Yaponiya tashqi ishlar vaziri Taro Kononing ma'lum qilishicha, KXDRda mamlakat yangi yadro sinovlarini o‘tkazishni rejalashtirayotganidan darak beruvchi holatlar qayd etilgan.

«Ayni damda avvalgi yadro sinovi o‘tkazilgan tunneldan tuproqni olib chiqish ishlari olib borilmoqda. KXDR keyingi sinovga tayyorgarlik ko‘rmoqda», - deya uning so‘zlarini keltiradi Kyodo agentligi.

Avvalroq Seuldagilar Shimoliy Koreya AQSh bilan ehtimoliy muzokaralar davrida yadro sinovlari va raketalar uchirilishini muzlatib qo‘yishga rozi bo‘lgani haqida ma'lum qilishgandi.