Avtomobil davlat raqami o‘g‘risi qo‘lga tushdi

Sirdaryo viloyatining Shirin shahrida jinoyat yuz berdi, deb xabar qilmoqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.

Qayd etilishicha, 1992 yilda tug‘ilgan A.Umarov IIBga murojaat qilib, noma'lum shaxs “Do‘stlik” MFY 1-daha hududida joylashgan “Chorraha” choyxonasi oldida qarovsiz qoldirilgan “VAZ-2106” rusumli avtomashinasining old tomon davlat raqam belgisini yechib olib ketganligini ma'lum qilgan. 

Ko‘rilgan choralar natijasida ushbu jinoyatni Boyovut tumani “Beruniy” MFY Shodliksevar ko‘chasida yashovchi, 1991 yilda tug‘ilgan I.M. sodir etganligi aniqlanib ushlangan.