Tramp Qatar amiri bilan Eronning mintaqadagi «xulqini» muhokama qildi

AQSh prezidenti Donald Tramp Qatar amiri Tamim bin Hamad Al Taniy bilan telefon orqali muloqot o‘tkazdi, uning davomida ikki davlat yetakchisi Eronning mintaqadagi xatti-harakatlarini muhokama etgan.

Bu haqda Oq uy xabar bermoqda.

«Shuningdek, yetakchilar Eronning mintaqadagi kutilmagan xatti-harakatlari va uning mintaqaviy xavfsizlik uchun uyg‘otayotgan tahdidini muhokama etishdi», - deya ko‘rsatilgan bayonotda.

Ta'kidlanishicha, AQSh prezidenti Qatar amiriga terrorizm bilan kurash masalasidagi pozitsiyasi uchun minnatdorlik bildirgan.

«Prezident amirga Qatarning terrorizm, ekstremizm va ularni moliyalashtirish bilan kurashdagi sa'y-harakatlari uchun minnatdorlik bildirdi», - deya qo‘shimcha qilingan xabarda.