Трамп Қатар амири билан Эроннинг минтақадаги «хулқини» муҳокама қилди

АҚШ президенти Дональд Трамп Қатар амири Тамим бин Ҳамад Ал Таний билан телефон орқали мулоқот ўтказди, унинг давомида икки давлат етакчиси Эроннинг минтақадаги хатти-ҳаракатларини муҳокама этган.

Бу ҳақда Оқ уй хабар бермоқда.

«Шунингдек, етакчилар Эроннинг минтақадаги кутилмаган хатти-ҳаракатлари ва унинг минтақавий хавфсизлик учун уйғотаётган таҳдидини муҳокама этишди», - дея кўрсатилган баёнотда.

Таъкидланишича, АҚШ президенти Қатар амирига терроризм билан кураш масаласидаги позицияси учун миннатдорлик билдирган.

«Президент амирга Қатарнинг терроризм, экстремизм ва уларни молиялаштириш билан курашдаги саъй-ҳаракатлари учун миннатдорлик билдирди», - дея қўшимча қилинган хабарда.