KXDR TIV rahbari Ashxoboddan Moskvaga keldi

KXDR TIV rahbari Li Yon Xo Rossiyaga rasmiy tashrif bilan keldi, deb xabar qilmoqda RIA «Novosti».

Xabar berilishicha, vazir Moskvaga mahalliy vaqt bilan soat taxminan 10.00da Ashxoboddan Turkmaniston aviayo‘nalishlari reysi bilan yetib kelgan. U bortida bo‘lgan samolyot Moskvadagi Domodedovo aeroportiga qo‘ndi. Chiqaverishda uni jurnalistlar kutib turgan, biroq u savollarga javob qaytarmaslikni ma'qul ko‘rdi.

Avvalroq KXDR TIV rahbari Moskvaga amalga oshiradigan uch kunlik tashrifi davomida rossiyalik hamkasbi Sergey Lavrov bilan uchrashishi xabar berilgandi. Uchrashuvda ikki tomonlama hamkorlikning dolzarb masalalari, jumladan siyosiy muloqot va savdo-iqtisodiy kooperatsiya muhokama qilinadi. Shuningdek, gap Koreya yarim orolidagi vaziyat va unga yechim topish yo‘llari haqida boradi.