Tramp Suriya tufayli Lotin Amerikasiga safarini bekor qildi

Kevin Lamarque/Reuters

AQSh prezidenti Donald Tramp Lotin Amerikasiga safarini bekor qilgan. Bu haqda Oq uy matbuot xizmati xabar tarqatdi.

Bayonotda ma'lum qilinishicha, Tramp Perudagi sammitga bormaydi.

«Prezident Qo‘shma Shtatlarda qoladi, u rahbariyat bilan Suriya masalasini muhokama qiladi, dunyodagi voqealarni monitoring qiladi», — deyilgan xabarda.

Tramp o‘rniga AQSh nomidan sammitga vitse-prezident Mayk Pens boradi.

Bundan avvalroq Donald Tramp Shimoliy Koreya rahbari Kim Chem In bilan uchrashuvi may oyi oxirida yoki iyun oyi boshida o‘tkazilishini ma'lum qilgandi.