Toshkent shahar IIBBning Telegram-boti ishga tushdi

Fuqarolarga qo‘shimcha qulaylik yaratish maqsadida Telegram messenjerida «mobil muxbir» xizmati ishga tushirildi. Ushbu telegram bot kanaliga @iibb_uz havolasi orqali o‘tishingiz mumkin. Toshkent shahar Ichki ishlar Bosh boshqarmasi boshlig‘i R.M.Jo‘rayevning Uchtepa tuman aholisi bilan o‘tkazilgan ochiq muloqoti vaqtida shu haqida e'lon qilindi, deyiladi IIB saytida.

{Yii::t(}

O'tkazib yuborish 6s

O'tkazib yuborish

«Start» tugmasini bosib, telefon raqamingiz orqali ro‘yxatdan o‘tgach, o‘zbek yoki rus tilidan birini hamda voqea sodir bo‘lgan tumanni tanlaysiz.

Shundan so‘ng siz YHXB, migratsiya va fuqarolikni rasmiylashtirish xizmati, profilaktika inspektori va boshqa xizmatlarga tegishli xabarlarni matn, video, foto va audio shaklda yuborish imkoniyatiga ega bo‘lasiz.

Bot sizning murojaatlaringizni tez va oson yo‘llashga  xizmat qiluvchi sizning virtual yordamchingizdir!

Xabarni yuborganingizdan so‘ng bot avtomatik ravishda uning qabul qilingani haqida ma'lumot beradi va SMS orqali uning natijasidan xabardor qiladi.