Sayyohlarning dunyodagi eng katta akula bilan birga suzishi videoga olindi

Meksikaning Janubiy Kaliforniya sohillari yaqinida odamlar bilan yonma-yon suzayotgan yirik o‘lchamli kitsimon akulaning videosi suratga olindi.

Video 36 yoshli Tarsitsio Sanyudo Suares tomonidan dron yordamida olingan.

Videoda ulkan akula yonida 3 kishi suzib ketayotganini ko‘rish mumkin. Keyinroq ularga yana bir kishi qo‘shiladi. Suzayotgan odamlardan biri akulaga qo‘l tekkizsa bo‘ladigan masofagacha yaqinlashib, deyarli uning dumiga qo‘li bilan tekkanini ko‘rish mumkin.

“Kitsimon akulalar osoyishta jonzotlar hisoblanadi va insonga ziyon yetkazmaydi. O‘sha kun men ham akula bilan yonma-yon suzdim va ularni suv ostida GoPro kamerasi yordamida suratga oldim”, deb aytgan Suares.

{Yii::t(}

O'tkazib yuborish 6s

O'tkazib yuborish

Kitsimon akulalar dunyodagi eng katta baliqlar hisoblanib, ularning uzunligi 12 metrgacha yetishi mumkin. Ular boshqa aksariyat akulalardan farqli, kitlar kabi planktonlar bilan oziqalanadilar va insonlar uchun xavfli emaslar.