Turkiya Afg‘onistonda 1500 o‘quvchiga mo‘ljallangan ta'lim muassasasi qurib berdi
Turkiyaning Hamkorlik va Muvofiqlashtirish agentligi (TİKA) Afg‘oniston poytaxti Kobulda yangi ta'lim muassasasi qurilishi loyihasini amalga oshirdi.
Turk agentligi sa'y-harakatlari bilan Afg‘oniston ta'lim vazirligi balansida turgan ombor 1500 o‘quvchi o‘qiydigan qizlar texnikumiga aylantirilgan.
Ta'kidlanishicha, yangi ta'lim muassasasida 22 ta sinfxona mavjud.
Texnikumning ochilishida Afg‘oniston ijroiya hokimiyatining rahbari Abdulloh Abdulloh, ta'lim vaziri Mirvois Balhi, Turkiyaning Kobuldagi elchisi Ouzxon Ertugrul, ta'lim masalalari bo‘yicha maslahatchi Atakan Dogan, TİKA’ning Kobuldagi ofisi vakillari va o‘quvchilar ishtirok etishgan.
Abdulloh Abdulloh Turkiyaga Afg‘onistonni mustahkamlashdagi yordami uchun minnatdorlik bildirgan va Anqara mamlakat ta'lim sohasini rivojlantirishga muhim hissa qo‘shayotganini ta'kidlab o‘tgan.
Abdullohning aytishicha, terrorchilik tashkilotlari ta'lim tizimi ahamiyatini anglamay, maktablarni vayronaga aylantiradi.
Abdulloh mamlakatda ayollar ta'lim olishiga salbiy qaraydigan odamlar hamon borligini, biroq ayollarsiz mamlakatni rivojlantirib bo‘lmasligini ta'kidlab o‘tgan.
Mavzuga oid
14:41 / 11.10.2024
Nogironligi bor bolalar yuridik texnikumlarda bepul o‘qishi mumkin bo‘ldi
18:42 / 11.12.2023
Texnikumlarda kredit-modul tizimi yo‘lga qo‘yiladi
14:48 / 08.11.2023
Kollej, texnikumlarning vakant qolgan o‘rinlariga abituriyentlar qabuli boshlandi
12:31 / 25.08.2023