Misrda favqulodda vaziyat tartibi yana 3 oyga uzaytirildi
Misr vakillar palatasi (parlament) deputatlari 15 aprelda prezident Abdul Fattoh as-Sisiyning mamlakatda favqulodda vaziyat tartibini 14 apreldan boshlab yana 3 oyga uzaytirish haqidagi farmonini tasdiqlashdi.
Misrda favqulodda vaziyat tartibi 2017 yil aprelda Tanta va Iskandariyadagi ikkita teraktdan keyin kiritilgandi. O‘shanda teraktlardan 50 dan ko‘proq odam halok bo‘lgan, 100 dan ko‘prog‘i jarohat olgan. Shundan keyin qonunga muvofiq, favqulodda vaziyat tartibi har 3 oyda uzaytirib turilgan.
Deputat Kamol Amirning aytishicha, kuch tuzilmalari favqulodda vaziyat tartibida terrorchilik guruhlarini yo‘q qilishlari, ularni moliyalashtirish manbalaridan mahrum qilishlari, tashqi dunyo bilan aloqadan uzishlari mumkin bo‘ladi.
Ayni vaqtda Misr shimol va Sinay yarimorolining markaziy qismida terrorchilikka qarshi katta ko‘lamli kurash olib bormoqda.
Mavzuga oid
13:00 / 27.09.2024
O‘zbekiston va Misr o‘rtasida siyosiy maslahatlashuvlar bo‘lib o‘tdi
12:40 / 16.09.2024
Misrda xorijiy turistlar bo‘lgan avtobus YTHga uchradi
23:44 / 09.09.2024
Misrlik arxeolog Germaniyadan Nefertiti byustini qaytarishni talab qilmoqda
17:58 / 07.09.2024