15ta xalqaro federatsiya Rossiya dopingiga nisbatan surishtiruv olib bormoqda

Butunjahon dopingga qarshi kurash agentligi (WADA) prezidenti Kreyg Ridining ma'lum qilishicha, o‘n beshta xalqaro federatsiya rossiyalik sportchilarga nisbatan doping surishtiruvlarini davom ettirmoqda. Bu haqda TASS xabar berdi.

«Bu juda murakkab surishtiruv, biz u ko‘plab xalqaro federatsiyalarda ma'lumotlarning mushkulligi tufayli cho‘zilib ketganini ko‘rmoqdamiz.

Ikkita federatsiya ishni rasman yopdi, to‘rttasida jarayon hamon davom etyapti, yettitasi – qo‘shimcha ma'lumotlarni talab qildi, to‘rttasi – WADA’dan olingan namunalar takroran tahlildan o‘tkazilishini so‘radi», - deya aytib o‘tdi Ridi.

Eslatib o‘tamiz, avvalroq Kanadadan chiqarib yuborilgan rossiyalik diplomatlar WADA’ni obro‘sizlantirish bilan shug‘ullangani xabar qilingandi.