Vetnamda eski batareykalardan qahva tayyorlagan korxona aniqlandi
Vetnamning Daknong viloyatida politsiyachilar eski batareykalardagi qora kukundan foydalangan holda qahva ishlab chiqaruvchi oilaviy korxonani aniqladi. Bu haqda TuoiTreNews nashri xabar berdi.
Korxona egasining aytishicha, “irkit” qahva maydalangan qahva donlarini chang-chung bilan aralashtirish orqali olingan. Batareykalardan olingan qora kukun esa olingan qorishmani bo‘yash uchun qo‘llangan.
Korxonasi egasi bo‘lgan ayol korxona anchadan beri ishlab kelishini, 2018 yil boshidan esa bozorga o‘z “mahsulot”idan 3 tonnadan ko‘proq yetkazib berganini tan olgan. Reyd vaqtida korxonada 12 tonna “irkit” qahva aniqlangan.
Mutaxassislarning aytishicha, batareykalardan olinuvchi qora kukun marganets ikki oksidi bo‘lib, kuchli zaharlanish keltirib chiqarishi mumkin. Uning bir litr suvga 0,5 milligrami ham xavflidir. Shuningdek, batareykalarda qo‘rg‘oshin, simob, sink, kadmiy va margimush kabi boshqa zaharli elementlar ham qo‘llanadi.
Mavzuga oid
23:08 / 21.09.2024
Braziliyadagi qurg‘oqchilik va o‘rmon yong‘inlari butun dunyoda qahva narxining oshishiga olib kelmoqda
09:34 / 05.08.2024
Viyetnam prezidenti To Lam Kompartiya Markaziy qo‘mitasi bosh kotibi etib saylandi
11:29 / 10.05.2024
Qahva narxi so‘nggi 45 yillikdagi rekordni yangiladi
11:54 / 26.08.2023