Sudan prezidenti Umal al-Bashir Ibrohim G‘andurni tashqi ishlar vaziri lavozimidan chetlashtirdi. Bu TIV rahbari parlamentda xorijdagi sudanlik diplomatlarga bir necha oy davomida maosh to‘lanmayotgani haqida ma'lum qilganidan bir kun o‘tib ro‘y berdi, deb xabar qilmoqda Sudan Tribune portali.
"Respublika prezidenti Umar al-Bashir payshanba kuni farmonni imzoladi. Unga ko‘ra, Ibrohim G‘andur tashqi ishlar vazirligidagi o‘z lavozimidan ozod etilmoqda", - deya prezident farmonidan iqtibos keltirgan SUNA agentligi.
Portalning ta'kidlashicha, bunday qaror vazir chorshanba kuni parlamentariylar oldida chiqish qilib, sudanlik diplomatlar yetti oydan beri maosh olmaganini ma'lum qilganidan so‘ng qabul qilindi. Shuningdek, uning xabar berishicha, pul yo‘qligi tufayli Sudan TIV mamlakatning bir nechta diplomatik missiyasi uchun ijara to‘lovini ham amalga oshira olmayapti. Vazirning ma'lum qilishicha, “ba'zilar diplomatlar, missiya a'zolari va ijara to‘lovi birinchi darajali vazifa emas, deb hisoblashmoqda”.
