Meksikada UYeFA kubogi o‘g‘irlab ketildi, ammo tezda topildi

Meksikaning Leon-de-los-Aldama shahrida namoyishga olib kelingan UYeFA kubogi o‘g‘irlab ketildi. Biroq kubok ko‘p o‘tmay Guanaxuatoda topildi va joyiga qaytarildi.

Ta'kidlanishicha, kubok uni namoyish qilish tadbiridan keyin avtomobildan o‘g‘irlab ketilgan. Politsiyachilar bu haqda xabar olganlaridan keyin tezkorlik bilan harakat qilib, uni topa olishgan.   

UYeFAning ta'kidlashicha, kubokning originali ularda saqlanadi. Yevropa ligasida g‘olib bo‘lgan klublar kubokning nusxasini olishadi. Biroq ma'lumotlarga ko‘ra, Meksikaga kubokning aynan originali olib borilgan.