Aniqlanishicha, nafaqat odamlar, balki o‘rdaklar orasida ham yo‘llarda tezlikni oshirishni xush ko‘ruvchilar bor ekan. Shunday qoidabuzar o‘rdaklar Bern shahridagi yo‘l kamerasi tomonidan qayd qilingan.
![](https://storage.kun.uz/source/utki.jpg)
Shveytsariya politsiyasining ma'lum qilishicha, yo‘ldagi kamera uch kun ichida ikki marta yo‘lning bir qismida tezlik oshirilganini qayd qilgan. Aniqlanishicha, qoidani o‘rdaklar buzgan. Qush belgilangan 30 km/soat o‘rniga kamera ostidan 52 km/soat tezlik bilan uchib o‘tgan, ya'ni belgilangan me'yordan 22 km/soat tezroq harakatlangan.
![](https://storage.kun.uz/source/utki1.jpg)
3 kundan keyin o‘sha kamera yana bir tezlik oshirilishi qoidabuzarligini qayd qilgan. Qoidabuzar yana o‘rdak bo‘lib chiqqan.
Politsiya jinoyat bir o‘rdak tomondan sodir etilgani, yoki “qoidabuzarlar” boshqa-boshqa o‘rdaklar bo‘lganini aniqlay olmayotganini aytgan.
![](https://storage.kun.uz/source/utki2.jpg)
O‘rdakning (yoki o‘rdaklarning) omadi kelgan ekan, ular jarima to‘lamaydilar. Agar uning o‘rnida haydovchi bo‘lganda mo‘maygina jarima to‘lashiga to‘g‘ri kelardi va bir oyga haydovchilik guvohnomasidan mahrum bo‘lardi.