Oltiariq tumanida mudhish YTH, bir kishi vafot etdi

Farg‘ona viloyatining Oltiariq tumanida mudhish yo‘l-transport hodisasi yuz berdi. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar qilmoqda.

Ma'lum bo‘lishicha, 2018 yil 26 aprel kuni soat 06:30larda, A.Navoiy ko‘chasida yashovchi, nafaqaxo‘r, E.I. o‘zining “VAZ-2103” rusumli avtomashinasini Oltiariq tumani “Zilxa” MFY hududida boshqarib borayotib, ehtiyotsizligi oqibatida boshqaruvni  yo‘qotib, yo‘lning qatnov qismidan chiqib ketgan. 

Natijada E.I. og‘ir tan jarohati olib shifoxonaga murojaat qilgan va ko‘rsatilgan tibbiy muolajalarga qaramay shifoxonada vafot etgan.