Олтиариқ туманида мудҳиш ЙТҲ, бир киши вафот этди

Фарғона вилоятининг Олтиариқ туманида мудҳиш йўл-транспорт ҳодисаси юз берди. Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар қилмоқда.

Маълум бўлишича, 2018 йил 26 апрель куни соат 06:30ларда, А.Навоий кўчасида яшовчи, нафақахўр, Э.И. ўзининг “ВАЗ-2103” русумли автомашинасини Олтиариқ тумани “Зилха” МФЙ ҳудудида бошқариб бораётиб, эҳтиётсизлиги оқибатида бошқарувни  йўқотиб, йўлнинг қатнов қисмидан чиқиб кетган. 

Натижада Э.И. оғир тан жароҳати олиб шифохонага мурожаат қилган ва кўрсатилган тиббий муолажаларга қарамай шифохонада вафот этган.