Davlat departamenti Julianining Eron bo‘yicha mojaroli bayonotiga izoh berdi

Ayni damda AQSh prezidenti Donald Trampning huquqshunoslar guruhiga kiruvchi, 1994-2001 yillarda Nyu-York meri bo‘lgan Rudolf Juliani hozirgi ma'muriyat nomidan bayonot bera olmaydi. Bu tashqi siyosat masalalariga ham aloqador, deb xabar qilmoqda TASS Qo‘shma Shtatlar Davlat departamenti vakiliga asosan.

Juliani shanba kuni Tramp Erondagi “rejimni o‘zgartirish niyatida ekani”ni ma'lum qildi. Uning so‘zlari Politico nashri tomonidan keltirilgandi.

"Oq uy matbuot kotibi Sara Sandersning ko‘rsatishicha, u ushbu ma'muriyat nomidan na tashqi siyosat, na boshqa qandaydir siyosat bo‘yicha gapira olmaydi", - deya aytib o‘tgan AQSh tashqi siyosat idorasi vakili.

Oq uy esa Julianining so‘zlariga izoh berishdan bosh tortgan.