Kim Chen In Xitoyda Si Tszinpin bilan uchrashdi

Shimoliy Koreya yetakchisi Kim Chen In Xitoyga tashrif buyurib, u yerda Xitoy Xalq Respublikasi raisi Si Tszinpin bilan uchrashdi. Bu haqda «Sinxua» KXDR yetakchisining tashrifi munosabati bilan tashkil etilgan tadbirlarda ishtirok etgan Xitoy kommunistik partiyasi a'zosiga asosan xabar bermoqda.

Ta'kidlanishicha, yetakchilar uchrashuvi Xitoyning Dalyan shahrida bo‘lib o‘tgan, bu yerda ular muzokaralar o‘tkazgan va hozirgi muammolar bo‘yicha fikr almashgan.

Kim Chen Inning so‘zlariga ko‘ra, u Koreya yarim orolidagi vaziyatga siyosiy yechim topishda o‘zgarishlar bo‘lishiga umid qilmoqda. Uning ta'kidlashicha, agarda boshqalar dushmanlik kayfiyatidagi siyosatdan voz kechsa, KXDRda yadro quroliga egalik qilish ehtiyoji bo‘lmaydi. Kim Chen In KXDR va AQSh o‘rtasida muloqotga erishishda yordam beradigan ishonchga ham umid qilgan. Si Tszinpin Shimoliy Koreya hozirgi siyosatini qo‘llab-quvvatlashi haqida aytib, uchrashuv davlatlar o‘rtasidagi ikki tomonlama munosabatlarni rivojlantirishga turtki berishini bildirdi.