Asad uchinchi jahon urushi va Rossiya rahbariyati haqida gapirdi 

Suriya prezidenti Bashar Asadning aytishicha, Rossiya tomoni Suriya hududidagi mojaro uchinchi jahon urushiga aylanib ketishiga yo‘l qo‘ymaydi. Bu haqda u SANA’da e'lon qilingan intervyusida aytib o‘tgan.

Ta'kidlanishicha, Asadga mintaqadagi vaziyat e'tiborga olingan holda bunday urush ehtimoli to‘g‘risida savol berishgan.

«Yo‘q, bitta sabab bilan: chunki, Rossiyada dono rahbariyat bor», - dedi Asad.

Uning so‘zlariga ko‘ra, ayni damda Rossiya-Amerika munosabatlari sovuq urushdan ham «kattaroq nimagadir» o‘xshamoqda.

«Men umid qilamanki, biz bu qudratli davlatlar o‘rtasida to‘g‘ridan-to‘g‘ri mojaroga guvoh bo‘lmaymiz, sababi bu qolgan butun dunyoni nazoratdan chiqarib yuborishi mumkin», - degan Asad.

Eslatib o‘tamiz, avvalroq Isroil Rossiyani Suriyadagi harbiy amaliyot haqida avvaldan xabardor qilgani to‘g‘risida ma'lumot berilgandi.