Tinch okeanida 6 tonnalik kokain moddasi ushlandi
AQSh sohilbo‘yi qo‘riqlash xizmati kemalari Florida shtatining portlaridan biriga Tinch okeanining sharqiy qismida o‘tkazilgan 2 oylik amaliyot davomida ushlangan 6 tonna kokainni yetkazdi.
Fevral oxiridan aprel o‘rtalarigacha davom etgan patrullash davomida xizmatning 3 ta kateri ishtirok etgan. Ma'lum qilinishicha, giyohvand modda Meksika hamda Markaziy va Janubiy Amerika sohillari yaqinidagi xalqaro suvlarda tutilgan 6 ta turli kemadan musodara qilingan.
Bunda James kateri ekipaji ayniqsa jonbozlik ko‘rsatgan. U uchta kemadan 2 tonnadan ko‘proq kokain moddasini musodara qilgan.
Qora bozorda umumiy narxi 180 mln dollarni tashkil qiluvchi ushbu kokain partiyasi yo‘q qilinish uchun Fort-Loderdeyl shahri portida tushirilgan.
Mavzuga oid
11:28
Floridaga “Milton” to‘foni yetib keldi – so‘nggi tafsilotlar
20:43 / 09.10.2024
Qozog‘iston o‘z fuqarolarini AQSh Florida va Jorjiya shtatlarini tark etishga chaqirdi
18:30 / 09.10.2024
Green Card 2026 lotereyasidan chetlatilgan mamlakatlar ro‘yxati e’lon qilindi
17:00 / 09.10.2024