Falastin Al-Quds bo‘yicha favqulodda yig‘ilish o‘tkazilishini talab qildi

Falastin 16 may kuni Al-Quds bo‘yicha Arab davlatlari ligasining favqulodda yig‘ilishi o‘tkazilishini talab qildi. Bu haqda Falastinning ADLdagi doimiy vakili, Qohiradagi elchi Diyob al-Lyauh ma'lum qildi.  

Uning aytishicha, AQShning Tel-Avivdagi elchixonasining Al-Qudsga ko‘chirilishi bo‘yicha qonunga xilof va xalqaro huquq va BMT rezolyutsiyalariga zid keluvchi qaroriga qarshilik ko‘rsatish uchun ADLga a'zo davlatlar bilan liga kengashining doimiy vakillari ishtirokida muddatdan tashqari uchrashuv o‘tkazilishi bo‘yicha muzokaralar olib borilmoqda. ADL yig‘ilishi yakunlariga ko‘ra, Vashingtonning bu qadamiga qarshi amaliy choralar va yechimlar tayyorlanishi kerak bo‘ladi.

14 mayda, Isroil tashkil etilgan kuni AQShning Isroildagi elchixonasining Al-Qudsga ko‘chirilishi munosabati bilan tantanali marosim o‘tkazilmoqchi.