Toshkent YHXB qoidabuzar haydovchilarga eslatma qoldirishni yo‘lga qo‘ydi
Toshkent shahar IIBB Yo‘l harakati xavfsizligi boshqarmasi qoidabuzar haydovchilarga eslatmalar qoldirishni yo‘lga qo‘ydi. Bu haqda ShIIBB saytida ma'lum qilinmoqda. Unda ta'kidlanishicha, Toshkent shahri yo‘llarida harakat xavfsizligini ta'minlash, tirbandliklarning oldini olish va bartaraf qilish hamda yo‘llarning o‘tkazuvchanligini oshirish maqsadida keng ko‘lamli amaliy chora-tadbirlar olib borilmoqda.
“Shunga qaramay, to‘xtash va to‘xtab turish taqiqlangan yo‘l belgilari ta'sir doirasida, shuningdek, avtobus bekatlari, trotuarlar, svetaforlar, burilish va qayrilib olish kabi belgilanmagan joylarda avtotransportlarning to‘xtab turishi yoki ularni qarovsiz qoldirib ketish holatlari uchramoqda.
Endilikda, bunday holatlarga qarshi ta'sir choralarini kuchaytirish maqsadida Toshkent shahar IIBB YHXB xodimlari tomonidan belgilanmagan joylarda qoldirilgan avtomobillar foto va video tasvirga olinib, o‘rnatilgan tartibda qoidabuzarliklarni rasmiylashtirish jarayoni boshlanganligini ma'lum qilamiz.
Shunday ekan, hurmatli haydovchi, Sizdan, yo‘llarda yanada e'tiborli bo‘lishni va yo‘l harakatining boshqa ishtirokchilariga nisbatan hurmat ko‘rsatishingizni hamda qoidalarga amal qilishingizni so‘rab qolamiz!”- deyiladi xabarda.
Mavzuga oid
21:40 / 09.10.2024
Toshkent havosining iflosligi yiliga 3 ming kishining bevaqt o‘limiga olib keladi - hisobot
20:45 / 09.10.2024
Toshkent shahri Bosh rejaga ko‘ra 3 ta zonaga ajratiladi
15:55 / 09.10.2024
Toshkentda inson a’zolari oldi-sotdisi bilan shug‘ullangan talaba jinoiy jazoga tortildi
11:50 / 09.10.2024