Grin karta natijalari rasman e'lon qilindi

AQSh Davlat departamenti 2019 yil uchun «Turli millat vakillari uchun immigratsiya vizalari — DVlottery-2019» Green Card​ lotereya natijalarini e'lon qildi. 16 may kuni mahalliy vaqt bo‘yicha 21:00dan e'tiboran, dasturning 2019 yilgi mavsumida ishtirok etish uchun ariza topshirgan barcha talabgorlar natijalar bilan onlayn tartibda tanishib chiqishi mumkin.

Buning uchun 2019 raqamlari bilan boshlanuvchi tasdiqlovchi raqamlar, familiya, tug‘ilgan yil hamda suratda ko‘rsatilgan nazorat raqamlari tegishli darchalarga kiritib chiqiladi. So‘ng, «kiritish» (Submit) tugmasi bosiladi. Agar Grin karta lotereyasida yutuq chiqmagan bo‘lsa «​Based on the information provided, the Entry HAS NOT BEEN SELECTED for further processing for the Electronic Diversity Visa program at this time​»​ yozuvi chiqadi.

Ma'lumot uchun, dastur qoidalari barcha takroriy arizalar diskvalifikatsiya qilinishini talab etiladi. Agar siz dastur g‘olibi sifatida saralangan bo‘lsangiz va nomingizdan shu yilgi Grin Karta dasturi uchun birdan ortiq ariza topshirilgani aniqlansa, siz dasturdan diskvalifikatsiya qilinasiz.