IHTning navbatdan tashqari sammitida O‘zbekistondan kim ishtirok etishi ma'lum bo‘ldi

2018 yilning 16 may kuni O‘zbekiston Respublikasi Tashqi ishlar vazirligida Turkiya Respublikasi favqulodda va muxtor elchisi Ahmet Bashar Shen bilan uchrashuv bo‘lib o‘tdi. Bu haqda TIV axborot xizmati xabar bergan.

Suhbat chog‘ida O‘zbekiston-Turkiya munosabatlarining amaliy jihatlari muhokama qilindi.

Uchrashuvda 2018 yilning 18 may kuni Istanbul shahrida bo‘lib o‘tadigan Islom hamkorlik tashkilotining (IHT) navbatdan tashqari sammitida O‘zbekiston Respublikasi Oliy Majlisi Senati raisi Nig‘matilla Yo‘ldoshev boshchiligidagi delegatsiya ishtirok etishi elchiga rasman ma'lum qilindi.