Toshkentdagi avval yopib qo‘yilgan yana bir ko‘cha qayta ochilmoqda 

Toshkent shahridagi avval yopib qo‘yilgan yana bir ko‘cha harakat uchun qayta ochilmoqda. Bu haqda poytaxt IIBB axborot xizmati xabar berdi.

Qayd etilishicha, Amir Temur xiyoboni («Ugolok» kafesi) aylanma yo‘li va Zarafshon ko‘chasi oralig‘ida hamda Sh.Rashidov shohko‘chasidan Matbuotchilar ko‘chasi bo‘ylab («Poytaxt» savdo markazi) Amir Temur xiyoboni aylanma yo‘ligacha bo‘lgan oraliqda transportlar harakati qayta tiklanadi.

Eslatib o‘tamiz, avvalroq Toshkent markazidagi “Jasorat” maydoni ma'lum muddatga yopilishi xabar qilingandi.