Tojikistonda 9 millioninchi fuqaro yaqin kunlarda tug‘ilishi kutilyapti
Tojikistonda to‘qqiz millioninchi fuqaro yaqin kunlar ichida tug‘ilishi kutilmoqda. 2018 yil 1 yanvar holatiga ko‘ra, Tojikiston aholisi soni 8 mln 931 ming kishini tashkil etdi, birinchi chorak yakunlari bo‘yicha esa bu ko‘rsatkich 8 mln 973 mingga yetgan.
Mamlakat aholisining yillik o‘rtacha o‘sishi 1998 yildan beri 2 foizni tashkil etayotgani hisobga olinsa, to‘qqiz millioninchi fuqaro may oxirida tug‘ilishini taxmin qilish mumkin.
Aprelda, statistika agentligi ma'lumotlariga ko‘ra, Tojikistonda 20 ming chaqaloq dunyoga kelgan.
Mutaxassislarning hisob-kitoblariga ko‘ra, to‘qqiz millioninchi fuqaroning tug‘ilishiga sanoqli kunlar qoldi.
Mamlakat Sog‘liqni saqlash vazirligi va TR prezidenti huzuridagi Statistika agentligi bu vaziyatni kuzatib bormoqda.
Hozircha chaqaloqning ota-onasiga qanday sovg‘a berilishi noma'lum.
Tojikistonda 7 millioninchi fuqaro 2006 yilning 13 avgustida tug‘ilgan bo‘lsa, sakkiz millioninchi fuqaro 2013 yilda tavallud topgan.
Mavzuga oid
09:23
Tojikiston Rossiya bilan o‘rtoqlik o‘yiniga rad javob berdi. Turkmaniston, Suriya va Pokiston bilan muzokara davom etmoqda
21:22 / 04.10.2024
Rossiyada noqonuniy migratsiya tugatilgani e’lon qilindi
11:06 / 29.09.2024
2024 yil 8 oyda O‘zbekiston tashqi savdosidagi yetakchi davlatlar ma’lum qilindi
18:54 / 28.09.2024