Ukraina prezidenti Pyotr Poroshenko Turkiya yetakchisi Rajab Toyyib Erdo‘g‘an bilan telefon orqali muloqot vaqtida mamlakatlar o‘rtasida erkin savdo hududini yaratish masalasini muhokama qildi. Bu haqda u tvitterdagi o‘z sahifasida yozgan.
«Turkiya prezidenti Rajab Toyyib Erdo‘g‘an bilan telefon orqali muloqot davomida Ukraina hamda Turkiya o‘rtasida erkin savdo bo‘yicha kelishuvni imzolash borasidagi muzokaralar jarayonini jadallashtirish muhokama etildi», - deya yozgan Poroshenko.
Uning qo‘shimcha qilishicha, tomonlar, shuningdek, energetika, aviatsiya va mudofaa sohalaridagi hamkorlikni ham ko‘rib chiqqan.
Eslatib o‘tamiz, avvalroq Ukrainaning MDHdan chiqishi qanday oqibatlarga olib kelishi aytilgandi.