Фото: EPA
Украина президенти Пётр Порошенко Туркия етакчиси Ражаб Тоййиб Эрдўған билан телефон орқали мулоқот вақтида мамлакатлар ўртасида эркин савдо ҳудудини яратиш масаласини муҳокама қилди. Бу ҳақда у твиттердаги ўз саҳифасида ёзган.
«Туркия президенти Ражаб Тоййиб Эрдўған билан телефон орқали мулоқот давомида Украина ҳамда Туркия ўртасида эркин савдо бўйича келишувни имзолаш борасидаги музокаралар жараёнини жадаллаштириш муҳокама этилди», - дея ёзган Порошенко.
Унинг қўшимча қилишича, томонлар, шунингдек, энергетика, авиация ва мудофаа соҳаларидаги ҳамкорликни ҳам кўриб чиққан.
Эслатиб ўтамиз, аввалроқ Украинанинг МДҲдан чиқиши қандай оқибатларга олиб келиши айтилганди.
