Afsonaviy bokschi va murabbiy Brendan Ingl vafot etdi

Britaniyalik afsonaviy bokschi va murabbiy Brendan Ingl 78 yoshida hayotdan ko‘z yumdi.

Boxing News ma'lumotiga ko‘ra, irlandiyalik taniqli murabbiyning o‘limiga miyaga qon quyilishi sabab bo‘lgan.

Ingl o‘zining boks maktabi bilan mashhur bo‘lgan, unda u boksga o‘rgatish bo‘yicha noyob usullarni yaratgan.

Uning shogirdlari orasida Nasim Xamed, Jonni Nelson, Erol Grem, Junior Uitter, Kell Bruk va boshqa bokschilar bor.

«Brendan yaxshi ustoz edi. U menda o‘zimga ishonch tuyg‘usini uyg‘ota oldi. U sizni hamma narsa qila olishingizga, jangni hattoki raqibga tegmay ham yutish mumkinligiga ishontira olardi. U meni barchasiga o‘rgatdi», - deya aytib o‘tdi Grem.

Ayni damda Ingl boks maktabiga uning o‘g‘illari Dominik va Jon rahbarlik qilmoqda.