Jamshid Qo‘chqorov Jahon banki guruhi vakillari bilan muzokaralar o‘tkazdi
O‘zbekiston Respublikasi bosh vaziri o‘rinbosari, moliya vaziri Jamshid Qo‘chqorovning Jahon banki guruhining iqtisodiy rivojlanish bo‘yicha katta direktori Shanta Devaradjan va Jahon bankining O‘rta Osiyo bo‘yicha hududiy direktori Liliya Burunchuk bilan uchrashuvi bo‘lib o‘tdi. Bu haqda Moliya vazirligi axborot xizmati xabar qilmoqda.
Uchrashuv davomida mamlakatda olib borilayotgan islohotlarning hozirgi holati, erishilgan natijalar va O‘zbekiston Respublikasining iqtisodiy rivojlanishi uchun zarur islohotlarning kelajakda amalga oshirilish istiqbollari yuzasidan muzokaralar olib borildi.
Xususan, mamlakat miqyosida makroiqtisodiy barqarorlikning ta'minlanishi, narxlarni yanada erkinlashtirish, tadbirkorlik faoliyatini rivojlantirish masalalari ko‘rib chiqilgan.
Muzokaralar davomida alohida e'tibor sarmoyaviy loyihalar va texnik ko‘maklashish loyihalarining amalga oshirilishidagi istiqbolli hamkorlikka qaratildi.
Vazirlik mutaxassislari tomonidan Jahon bankining respublikada amalga oshirilayotgan iqtisodiy islohotlarni qo‘llab-quvvatlashda strategik hamkor bo‘lib kelayotganligi alohida ta'kidlandi.
Eslatib o‘tamiz, avvalroq Jamshid Qo‘chqorov «Gazprombank» ekspert guruhi bilan muzokaralar o‘tkazgandi.
Mavzuga oid
15:30 / 04.10.2024
Jahon banki O‘zbekistondagi islohotlarni qo‘llab-quvvatlash uchun 800 mln dollar ajratadi
07:22 / 24.06.2024
O‘zbekiston chiqindi gazlarni kamaytirgani uchun Jahon bankidan to‘lov qabul qilgan dunyodagi birinchi davlat bo‘ldi
14:45 / 18.06.2024
JB: O‘zbekistonda ayollar va erkaklarga teng haq to‘lanishini ta’minlash 700 ming kishini kambag‘allikdan chiqaradi
07:40 / 14.06.2024