Krishtianu Ronaldu faoliyatining eng og‘ir damlarini esladi

«Real» klubi va Portugaliya terma jamoasi hujumchisi Krishtianu Ronaldu El Chiringuito teledasturi efirida faoliyatidagi eng qiyin damlar haqida gapirib berdi.

«Angliya Premer-Ligasiga kelganimda juda og‘ir damlarni boshimdan o‘tkazdim. Chempionatga moslashib ketishim ham qiyin bo‘lgan edi.

Ayniqsa, Eshli Koulga qarshi o‘ynash men uchun azob edi. U menga katta muammolarni tug‘dirgan» - dedi Ronaldu.

Ronaldu «Manchester Yunayted» tarkibida 6 yil o‘ynadi. Eshli Koul esa «Arsenal», «Kristal Pelas» va «Chelsi» sharafini himoya qilgan.