Neymar «Real» bilan bog‘liq mish-mishlarga oydinlik kiritdi

Braziliya terma jamoasi va «Pari Sen-Jyermen» klubi hujumchisi Neymar Madridning «Real»iga o‘tishi mumkin ekani haqidagi mish-mishlarga izoh berdi.

«Real»? Hozir men Braziliya termasiga bor e'tiborni qaratganman. Odamlar ba'zida umuman ahmoqona gaplarni gapiradi. Bunga javob qaytarish ham shartmas», - deya Neymarning so‘zlarini keltiradi Globo Esporte.

Neymar «PSJ»ga «Barselona»dan 2017 yilning yozgi transferlar darichasi vaqtida 222 mln yevro evaziga o‘tgandi.

Avvalroq, futbolchining otasi taniqli agent Pini Zaxaviga Parij klubidan o‘yinchining transferini amalga oshirishda yordam berish haqida murojaat qilgani ma'lum bo‘lgandi. Biroq «PSJ» rahbariyatining ishonch bildirishicha, braziliyalik klubni tark etmaydi.