Неймар «Реал» билан боғлиқ миш-мишларга ойдинлик киритди

Фото: REUTERS/ Regis Duvignau

Бразилия терма жамоаси ва «Пари Сен-Жермен» клуби ҳужумчиси Неймар Мадриднинг «Реал»ига ўтиши мумкин экани ҳақидаги миш-мишларга изоҳ берди.

«Реал»? Ҳозир мен Бразилия термасига бор эътиборни қаратганман. Одамлар баъзида умуман аҳмоқона гапларни гапиради. Бунга жавоб қайтариш ҳам шартмас», - дея Неймарнинг сўзларини келтиради Globo Esporte.

Неймар «ПСЖ»га «Барселона»дан 2017 йилнинг ёзги трансферлар даричаси вақтида 222 млн евро эвазига ўтганди.

Аввалроқ, футболчининг отаси таниқли агент Пини Захавига Париж клубидан ўйинчининг трансферини амалга оширишда ёрдам бериш ҳақида мурожаат қилгани маълум бўлганди. Бироқ «ПСЖ» раҳбариятининг ишонч билдиришича, бразилиялик клубни тарк этмайди.

Тайёрлаган: Отабек Матназаров

#Реал Мадрид #Неймар