Shimoliy Koreya delegatsiyasi muzokaralar o‘tkazgani Oq uyga keldi

Foto: AP /Andrew Harnik

Shimoliy Koreyaning Mehnat partiyasi vakili Kim Yon Chxol boshchiligidagi KXDR delegatsiyasi Oq uyga yetib keldi. Delegatsiya AQSh prezidenti Donald Trampga Shimoliy Koreya yetakchisi Kim Chen Inning murojaatini yetkazadi.

Ma'lum qilinishicha, Kim Yon Chxol Oq uy xodimlari apparati boshlig‘i Jon Kelli va AQSh prezidentining milliy xavfsizlik bo‘yicha yordamchisi Jon Bolton bilan uchrashadi. So‘ngra Shimoliy Koreya vakilini Donald Tramp qabul qilishi rejalashtirilgan.

The Washington Post nashrining yozishicha, Shimoliy Koreyaning bunday yuqori lavozimdagi mansabdor shaxsi oxirgi marta AQShga deyarli 18 yil avval kelgan.