AQShda salat bargidan 5 kishi vafot etdi, 200 kishi zaharlandi

AQShning 35 shtatida 197 kishi infeksiya bilan zararlangan salat-latukdan (ko‘k o‘tlar turi) zaharlangan, kamida 5 kishi hayotdan ko‘z yumgan. Bu haqda Associated Press axborot agentligi xabar berdi. 

Ma'lum qilinishicha, jabrlanganlardan 89 nafari shifoxonaga yotqazilgan.

Ta'kidlanishicha, ommaviy zaharlanishga Arizonada yetishtirilgan, ichak tayoqchasi bilan zararlangan salat sabab bo‘lgan.  

Mutaxassislarning aytishicha, salat-latukning vegetatsion davri 6 hafta avval yakunlangan. Biroq yangi zaharlanish holatlari haqida xabarlar kelib tushishda davom etmoqda.