АҚШнинг 35 штатида 197 киши инфекция билан зарарланган салат-латукдан (кўк ўтлар тури) заҳарланган, камида 5 киши ҳаётдан кўз юмган. Бу ҳақда Associated Press ахборот агентлиги хабар берди.
![](https://storage.kun.uz/source/dfgvduyvg9uodhi235487-1.jpeg)
Маълум қилинишича, жабрланганлардан 89 нафари шифохонага ётқазилган.
Таъкидланишича, оммавий заҳарланишга Аризонада етиштирилган, ичак таёқчаси билан зарарланган салат сабаб бўлган.
Мутахассисларнинг айтишича, салат-латукнинг вегетацион даври 6 ҳафта аввал якунланган. Бироқ янги заҳарланиш ҳолатлари ҳақида хабарлар келиб тушишда давом этмоқда.