Afg‘onistonda toliblar yetakchilaridan biri qo‘lga olindi

Foto: HAMEED KHAN/GETTY IMAGES

Afg‘oniston maxsus kuchlari Tojikiston bilan chegaradagi Dashti-Archi uyezdida (Qunduz viloyati) “Tolibon” harakatining yetakchilaridan birini qo‘lga oldi. Bu haqda Afg‘oniston milliy armiyasi ma'lum qildi.

Dashti-Archini jangarilardan tozalash bo‘yicha maxsus amaliyot davomida toliblar yetakchisining uyezddagi o‘rinbosari Mavlaviy Najibulla ushlangan. Uning ushlanishi tafsilotlari keltirilmagan.