«Hozir emas». Trampning maslahatchisi KXDRga bosim haqida gapirdi

AQSh prezidenti huzuridagi Milliy iqtisodiy kengash rahbari Lourens Kadlouning ma'lum qilishicha, Qo‘shma Shtatlarning Shimoliy Koreyaga nisbatan sanksiyalari yaqin vaqt ichida kuchsizlantirilmaydi. Bu haqda Fox News xabar bermoqda.

«Vaqti kelib ular kuchsizlantiriladi, biroq hozir emas», - deya aytib o‘tdi Kadlou.

Uning so‘zlariga ko‘ra, AQSh o‘z oldiga Shimoliy Koreya bilan muzokaralar to‘xtamasligini ta'minlash vazifasini qo‘ymoqda.

Shuningdek, uning ta'kidlashicha, AQSh prezidenti Donald Tramp ma'muriyati KXDRning butunlay yadrosizlanishi uchun vaqt talab etilishini yaxshi tushunib turibdi.

Eslatib o‘tamiz, avvalroq Tramp Kim Chen Inning maktubini ko‘rsatgandi.