«Ҳозир эмас». Трампнинг маслаҳатчиси КХДРга босим ҳақида гапирди

Фото: AP

АҚШ президенти ҳузуридаги Миллий иқтисодий кенгаш раҳбари Лоуренс Кадлоунинг маълум қилишича, Қўшма Штатларнинг Шимолий Кореяга нисбатан санкциялари яқин вақт ичида кучсизлантирилмайди. Бу ҳақда Fox News хабар бермоқда.

«Вақти келиб улар кучсизлантирилади, бироқ ҳозир эмас», - дея айтиб ўтди Кадлоу.

Унинг сўзларига кўра, АҚШ ўз олдига Шимолий Корея билан музокаралар тўхтамаслигини таъминлаш вазифасини қўймоқда.

Шунингдек, унинг таъкидлашича, АҚШ президенти Дональд Трамп маъмурияти КХДРнинг бутунлай ядросизланиши учун вақт талаб этилишини яхши тушуниб турибди.

Эслатиб ўтамиз, аввалроқ Трамп Ким Чен Иннинг мактубини кўрсатганди.