Tramp Kim Chen Inning maktubini ko‘rsatdi

Foto: Oq uy axborot xizmati

Oq uy AQSh prezidenti Donald Trampning Koreya Mehnat partiyasi MQ raisi o‘rinbosari Kim Yon Chxoldan Shimoliy Koreya rahbari Kim Chen In maktubini qabul qilib olayotgani tasvirlangan fotosuratini e'lon qildi. Bu haqda The Hill yozmoqda.

Tramp maktubni qiziqarli va yaxshi, deb atagan, biroq uni hali o‘qimaganini tan olgan. Ta'kidlanishicha, maktubni topshirishdan avval, uni AQSh mansabdor shaxslari ko‘zdan kechirishgan.

The Wall Street Journal gazetasi ma'lumotiga ko‘ra, KXDR yetakchisi o‘z maktubida davlatlar o‘rtasidagi sammitni o‘tkazishdan manfaatdor ekani haqida yozgan.

Eslatib o‘tamiz, avvalroq Pentagonning AQSh - KXDR muzokaralaridagi o‘rni aytilgandi.