Putin Kim Chen Inga taklif bilan chiqqan

KXDR yetakchisi Kim Chen In va Rossiya prezidenti Vladimir Putin sentabr oyida uchrashishi mumkin. Bu, agarda Shimoliy Koreya rahbari Vladivostokdagi Sharqiy iqtisodiy forumga taklifni qabul qilsa, yuz beradi. 

«U (RF tashqi ishlar vaziri Sergey Lavrov) Kim Chen Inga prezident Putinning taklifini yetkazdi. Xususan, KXDR yetakchisiga bizning mamlakatga rasmiy tashrif bilan kelish taklifi berildi», - deya Rossiya Davlat dumasi spikeri o‘rinbosari Ivan Melnikovning KXDR delegatsiyasi bilan uchrashuvdagi so‘zlarini keltiradi «Interfaks».

Rossiya prezidenti matbuot kotibi Dmitriy Peskov Kim Chen Inga uchrashish haqida taklif yetkazilganini tasdiqladi. Shu bilan birga, Sharqiy iqtisodiy forumdagi muzokaralar, Peskovning qayd etishicha, variantlardan biri.

Eslatib o‘tamiz, avvalroq KXDRda harbiy rahbariyat ishdan olingani xabar berilgandi.