Shahrisabzda qo‘shnisini o‘ldirgan shaxs ushlandi

1 iyun kuni Qashqadaryo viloyatining Shahrisabz shahrida qotillik yuz berdi, deb xabar qilmoqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.

Qayd etilishicha, shu shaharda yashovchi, R.J. mast holda uyi oldida o‘zaro janjal oqibatida qo‘shnisi,  M.V.ning bo‘yniga pichoq bilan urib jarohat yetkazgan. 

Natijada M.V. kasalxonaga yotqizilib ko‘rsatilgan tibbiy muolajalarga qaramay vafot etgan. R.J. ushlangan.

Eslatib o‘tamiz, avvalroq Yangiyo‘lda qotil qo‘lga olingani xabar qilingandi.